冼靖峰重提「沙士死剩種」失言風波　曾情緒低落自困房間3日

現年26歲、畢業於香港大學的冼靖峰（Archie），2020年參加無綫歌唱選秀節目《聲夢傳奇》入行，今年終憑劇集《神耆小子》再獲注目，又參與選秀節目《亞洲超星團》躋身男團LOONG 9-V分隊成員而人氣急升。Archie近日為宣傳新歌《無意冒犯》接受電台訪問，在節目中大談當時為追夢而放棄高薪厚職，亦分享父母的價值觀，更剖白過去曾失言而汲取教訓的經歷，最後回應過去兩段緋聞。

冼靖峰曾就讀喇沙小學、喇沙書院，2020年在香港大學工商管理學學士畢業，傳統名校出身的他畢業後原本在銀行工作任職MT（Management Trainee管理培訓生），毅然放棄一份起薪近四萬的高薪厚職，轉投沒有穩定收入的歌手職業，被問到當時父母的反應，他坦言印象深刻：「聲夢決賽當晚返到屋企，我就喺床邊同爸爸講，我真係想入行，之前參賽輸過，而家難得有個機會又有份合約，覺得係好嘅時機入行。嗰次都係第一次同爸爸好認真咁傾計，爸爸聽完之後話：『你俾啲時間我考慮下』。」父母認真考慮過後，並未有反對冼靖峰入行，他透露：「爸爸考慮完之後就同我講：『只要你唔好後悔你嘅選擇，我地都會support ! 』原因係以前喺中學、大學玩音樂屋企人都係當我玩玩下，叫我唔洗睇得咁重，但比賽後見到真係有份合約，佢就叫我要認真對待呢份職業。」

終於實現夢想順利入行，冼靖峰2022年與《聲夢傳奇》學員開上直播音樂會，卻因為失言險賠上剛起步的事業，當時在直播上眾人傾到年齡問題，有人提到自己是03年出世，冼靖峰突然稱：「03即係咩？即係沙士死剩種啊，係咪啊？」雖然冼靖峰隔日即開直播公開道歉，仍遭網民狙擊，更被電訊商割席，他之後一度遭公司放逐到內地拍劇。

冼靖峰於電台訪問中重提事件，並表示已汲取教訓，及會自我反省：「呢件事到而家對我有好深影響，就係要諗清楚先好去講每一句說話。當時我腦慢過我個嘴，講得好快，所以就講咗啲唔應該講嘅嘢，呢件事後我都有反省，會諗點解當時會發生呢件事，同自己講我係要用作品讓人認識我，呢個都係我入行嘅初衷，需要作品行先。」Archie亦坦言當時因被洗版式攻擊而情緒低落：「當時唔係驚咁簡單，而係情緒低落，因為第一次面對負評，個感覺唔好受，令我對未來睇法都有變。」剖白事件後不敢面對父母：「當時我係唔敢面對父母，困咗自己喺房三日，我唔想令佢地擔心，但我做緊嘅事就係令佢地擔心緊，不過，又因而呢件事知道身邊嘅人都好關心我，令我捱過呢一段時期。」

早前冼靖峰傳出與方皓玟發展姊弟戀，他以「我依家真係冇諗拍拖，依家做咗idol，要專注事業」來回應，被問到這個回應是否衝口而出，他解釋：「因為我真係喺一個偶像團體入面，我都唔想專登否認我有呢個身分，玩呢個比賽都係要選一個偶像團體出嚟。其實我係想帶出，而家我事業博殺期，所以談戀愛呢啲就唔諗咁多住啦。」對於之前被影到去女團After Class成員詹天文屋企，他回應：「其實唔係去佢屋企，只係收工搭車要經過個商場落去搭車，而個商場就係個屋苑入面。」而與方皓玟的緋聞，Archie表示不作評論，只不希望打擾到前輩。