【Honor Magic 5 Pro評測】罕見三組高像素鏡頭 丨驚豔的遠攝長焦鏡頭丨AI鷹眼抓拍功能 丨Magic 5 Pro發佈會 丨Honor Magic 5 Pro #HonorMagic5

又到左Z世代達人嘅時間啦~ Honor舉辦左Magic 5 Pro嘅發佈會，場面都非常熱鬧架~
今日就為大家開箱呢部全新嘅Honor Magic 5 Pro手機啦~
首先我會用跑分軟件，測試下Magic 5 Pro呢部手機究竟可以有幾多分先
跑出黎嘅分數成績都唔錯，都屬於喺上游嘅位置
但跑分軟件跑出黎分數太過抽象，不如我地就試下打機，睇片同埋上網，睇下表現又係點樣先。
上網方面，Magic 5 Pro一下就將所有網頁嘅資訊Load哂出黎，而且上下滑動都非常流暢。就算上Facebook都一樣，完成無Lag機嘅情況出現。
睇片方面，一般Youtube睇片都好流暢，就算用4K嘅解像度黎睇，一樣無問題啊。 而播帶有走馬燈嘅新聞片，走馬燈一樣都好順暢，無完全無殘影情況出現。
最後喺打機方面，今次Magic 5 Pro設有「Game Manger」呢個系統，其中「獨立顯示卡增強」呢個功能，可以大幅提升遊戲嘅流暢度，同埋提升遊戲畫面嘅亮度以及色彩。
喺「獨立顯示卡增強」呢個功能影響下，遊戲喺最高畫質Setting運行嘅FPS都好穩定，約莫都有40-50FPS。
而喺戰鬥嘅畫面狀態下，就會大約係30-40FPS。最後如果運算比較複雜嘅風景，就會降到20-30FPS。
整體黎講，成個遊戲體驗都唔錯，FPS嘅隱定度都好高，而玩左30分鐘左右，電話溫度都係微暖，唔會有過熱嘅情況出現，睇黎「Game Manger」真係起到作用啵。
而到左最重要嘅影相方面，Magic 5 Pro設有三組分別都係5000萬像素嘅主鏡頭、廣角鏡頭以及長焦鏡頭。
好小有電話三組鏡頭都平均係高像素嘅配置，咁唔知Magic 5 Pro嘅表現又係點呢?
首先我會試下Magic 5 Pro主打嘅鷹眼抓拍功能，呢個功能顧名思義喺專門拍攝快速移動嘅物件。
可以睇得出，喺鷹眼抓拍嘅影響下，拍攝快速移動嘅車都好清晰，完全無殘像嘅情況出現。 而且車上邊嘅細節保留度同樣都好高。
而到左影相表現方面，主鏡頭拍攝出黎嘅相整個色調都好柔和，佢嘅色彩飽和度、對比度都好貼近現實嘅情況，唔會話有太多味精。
而放大左之後嘅細節保留度、雜訊處理以及物邊緣虛化嘅處理，一啲都唔差加啵，等我試多幾張比大家睇睇。
最比到驚喜我嘅就係5000萬像素嘅長焦鏡頭，喺5倍同埋10倍放大率影嘅相，細節保留度，物件虛化邊緣，一啲都唔輸蝕現今主打拍攝嘅其他品牌手機。
你睇，連雀仔嘅羽毛同埋斑點都影得幾咁清~
而廣角鏡頭一樣都無問題啊，影響出黎嘅效果都非常自然，完全無魚眼情況出現。
最後喺夜拍方面，影出黎嘅相都亮度都好足夠，雜訊嘅處理亦都相當唔錯啵~
放大黎睇之後，物件嘅細節保留度同樣都好高，等我試又多幾張比大家睇睇先…
Magic 5 Pro整體嘅表現都對得住佢嘅價位，尤其係三組平均都係5000萬像素嘅相機鏡頭，實際用落之後真係比到驚喜我，因為可以應對到唔同嘅情況，唔洗再驚因為某個鏡頭嘅像素比較低，而影出蒙糊嘅相片
有興趣嘅朋友可以到Honor嘅官方網站了解詳情
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~