茶餐廳常餐早餐與可說是港人的好朋友，配上一杯熱奶茶，簡直是人間享受。不過你可能不知道，這些早餐、常餐卡路里其實高得嚇人，如何減低熱量攝取呢？無論你是減肥一族或健康達人都應該學起來！註冊營養師謝詠瑩（Gloria）教大家做以下5個飲食點餐攻略，就可以慳足近700卡路里，相當於跑步2小時的熱量！
減肥攻略1. 慳約350卡：茶餐廳沙嗲牛肉公仔麵轉做叉燒通粉／米粉
謝詠瑩表示，沙嗲醬含花生及油份，牛肉又會「走油」，增加脂肪含量。另外，1碗公仔麵約有440卡路里，若轉做通粉或米粉，同等份量下兩者的熱量分別只有220卡路里及210卡路里。
【睇多啲】勿以貌取飯！健康蒸飯伏味重！
減肥攻略2. 慳約135卡：常餐炒蛋轉煎太陽蛋
雖然炒蛋及太陽蛋皆有下油煮，但謝詠瑩指太陽蛋只煎一面，用約2至3茶匙油，而炒蛋經反覆煎炒，甚至用更多油令其口感變滑，比煎太陽蛋使用多至少1湯匙油。若食肆使用全脂奶或忌廉炒蛋，則會添加更多卡路里。
減肥攻略3. 慳30-60卡：腸仔轉火腿
謝詠瑩解釋，常餐中的腸仔含有較多肥膏，其脂肪含量比火腿高約10倍。她提醒，腸仔及火腿皆屬高鈉食物，已被世衛列為一級致癌物，這些精製肉類不宜食太多，偶然一星期吃一、兩次還可，若轉為雞蛋會更理想。
【睇多啲】 飲茶「一盅兩件」超肥！
減肥攻略4. 慳約108卡：多士走牛油（一湯匙牛油）
100克的牛油大約有716卡路里，不知不覺就攝取了大量卡路里，因此雖然常餐中的多士搽牛油是絕配，但為健康著想最好的還是走牛油吧！
減肥攻略5. 慳約40卡：奶茶走糖（轉檸茶去糖再減多86卡）
餐茶為常餐劃上完美的句號，但你可能不知道，每100克的糖大約是386卡路里，而每一茶匙糖則大約是16卡路里，因此不加糖自然就可以減掉卡路里的攝取。而除了卡路里外，糖本身對人體也會引起連鎖反應，最終結果就是致肥，因此可以不加糖就不要加糖了。
資料及圖片提供：註冊營養師謝詠瑩
延伸閱讀：
留言 0