單身兩年零感情！袁嘉敏Dry爆玩交友App識男仔

袁嘉敏Dry爆要玩交友App識新朋友！

樣靚身材正，點會有追求者先？

藝人袁嘉敏（Candy）自2016年同外籍男友分手後，火速撻着一名圈外人，但最後都無疾而終。感情零着落嘅Candy，今日喺社交網留言：「已近兩年沒有一個約會，我想是時候用dating apps認識新朋友了，大家會推薦那一個app？我沒有試過呢。」其實單身兩年又真係幾Dry嘅！但網友就唔係好信佢之餘，仲話「你咁索點會冇人約呀」、「你唔使用啦，喺呢度話想識新朋友都得喇」、「妳呃人」，亦有網友指Candy樣靚身材正，只要一開聲大把男仔排住隊畀佢揀。