現年43歲的唐寧（本名江麗娜）可能是不少香港觀眾的童年或青年回憶。童星出身的她於《四個32A和一個香蕉少年》成為不少人的初戀投射，而現實中她於2010年宣布與舞台劇導演兼演員鄧偉傑結婚；在2017年離婚後，獨力照顧一對子女；2022年移居紐西蘭轉型做KOL。昨日（2月6日）她在社交平台分享她參加HYROX比賽的照片，粗獷造型與以往的甜美靚女打扮相差甚遠。
唐寧分享多張參加HYROX比賽的照片，寫道：「上年7月開始跑步，11月頭去咗跑步11km “Run The City”，繼而11月中開始力量訓練，今年2月頭去咗玩 “Hyrox”，之後3月頭都仲有啲嘢玩，不過係會輕鬆好多嘅8.4km Fun run。對於從來都冇認真做過呢種訓練嘅我，真係冇諗過用兩個半月時間，可以操到完成咗呢個有啲癲嘅比賽。今次我參加嘅係女子雙人嘅組別，好感恩隊友唔介意帶住我呢個新手玩，亦好感恩Join咗一間好有heart嘅Gym，係佢哋令我完成咗一樣，我諗都冇諗過會做嘅嘢。其實有好多感受我到而家都未整理到，你哋睇吓有冇冇嘢想問我，或者我搵日開個live傾吓偈！如果呢度有朋友仔唔知Hyrox係搞啲咩嘅，歡迎你哋上網search吓！總之就正啦！」。
唐寧多年來都留著一頭短髮，早前43歲生日時，她在社交平台分享近照。她自爆爸爸在40歲已經全頭白髮，自己亦可能遺傳爸爸，現在生出來的每一條頭髮都是已經是灰白色，為了不用經常染髮根，她索性一次過漂走原本的顏色，寫道：「我43，我會為生活嘅小事而感到快樂！願每個人每天都可以找到值得快樂嘅小事！」。
HYROX於2017年在德國成立，以結合耐力和功能性健身的混合賽制而聞名，近年都有定期在香港舉行比賽。HYROX 的賽程以1公里跑步作間隔，完成每公里後緊接著功能性健身訓練站點，重複8次。8個站點包括1000 米滑雪機、50米拉雪橇、50米推雪橇、80米波比跳、1000米划船機、200米農夫走路（啞鈴）、100米沙袋弓箭步和100次藥球。參賽者可選擇以個人、雙人或四人接力隊的形式參賽。全程比賽無完成時間限制及入場資格，任何健身水平的人都可參與其中。