曾傲棐快閃獻唱　數百樂迷捧場

英皇歌手曾傲棐（Arvin）日前在港鐵站進行快閃音樂會，一連唱出四首歌曲，吸引數百樂迷駐足欣賞。Arvin不時向Fans「派心心」相當有愛。他自爆是鐵路迷，能夠在於港鐵站內表演大呼感受特別：「我住元朗，以前東鐵未有得過海嘅時候，每次過港島就係喺呢度行行行，去到嗰邊搭車，所以第一次喺呢度唱歌畀大家聽係好特別。」

他原來上月到日本旅居一個月，笑言「片債」纏身，但其實在假期也有拍片工作，還為新歌Ｍixing，他說：「公司就嚟『劈』我啦，我要返去剪片！其實在當地都有錄歌，音樂創作上都有很大啟發，製作節奏都比香港快。」講到日本之旅的難忘時刻，原來也與鐵路有關：「關東嘅新幹線我搭晒啦！點解會對日本嘅情有獨鍾呢？因為我由細到大都住元朗，元朗嗰架『千九公主』就係日本做嘅，所以我一路都好想去日本睇吓啲鐵路。」

日內即將推出新歌的Arvin，原本打算透露歌名以慰藉Fans，但原來已曝光，他說：「MV好睇嘅，因為今次MV我參與得比較少，所以係好睇嘅，哈哈。係關於一啲集體回憶嘅嘢，希望大家睇完之後會有共鳴。」

下星期亦是DSE放榜的日子，他以過來人身份為應屆考生打氣：「當年DSE分心Busking和打波，成績未達預期亦意料之內，但其實成績不是一切，最重要是找到發光發熱的地方，當年我都覺得證書很重要，但現在回看又好似不是，路都是由自己行出來。其實擔心都沒有用，善用時間做自己喜歡的事。」

東網網站 : https://on.cc/東網Facebook專頁 : https://www.facebook.com/onccnews/