傳搶人老公　梁茵爆同律師人夫真實關係

「威龍潘金蓮」梁茵出席娛樂公司開幕禮，對於早前捲入搶律師人夫風波，坦言事件甚受困擾，更指開工時獲同事關心問候，問到是否與人合照時太熱情？她說：「公司都有講過，入行到依家都因為角色影響，令其他人有呢個睇法（咁你係咪鍾意收兵？）係其他人觀感，我係有追求者，但我當係朋友，收兵形容唔恰當。」

問到可有與人夫律師聯絡？梁茵表示不希望與對方有太多交雜，更指早前曝光的手機短訊對話，並非自己手機流出，內容亦不是二人的對話，問到律師太太可知此事？梁茵表示：「相信呢件事已經水落石出，其實對方係我之前傳銷糾紛嘅代表律師，依家為免再接觸，我會轉第二個律師幫我。」

東網網站 : https://on.cc/

東網Facebook專頁 : https://www.facebook.com/onccnews/