殿堂級歌王林子祥（阿Lam）原定今年3月在亞博舉行《林子祥開心演唱會香港站》，因疫情而延期至昨晚開騷，全場爆滿。對於相隔3年終於可以跟大家見面，阿Lam在台上說：「我已經Smile咗三年，笑到梗咗。多謝你哋咁遠都嚟睇，你哋個個打咗針喇？不過唔怕，你哋怕啲 ，因為我唱歌口水噴到好遠，哈哈，今晚唔講太多嘢，太多太多歌要唱畀你哋聽。要講，最近你哋睇新聞，話我係邊度邊度買咗間屋，假news ！唔好乜都信知唔知。」
【點擊睇林子祥演唱會精彩片段】：
接著他感觸說：「我同莎莉咁多年嘅演唱會，有三個大粉絲，永遠都睇，每一個演唱會佢哋都睇，今晚佢哋三個都唔喺度， 一個係我媽咪啦，一個係莎莉…..(咽哽講不下去)仲有兩個係莎莉Daddy同媽咪，今晚演唱會係特別唱畀佢哋聽…」音樂響起，阿Lam飲泣中唱了《分分鐘需要你》，期間多次平復情緒，直到唱最後一首歌《每一個晚上》時，他感觸跟觀眾道：「我哋呢幾年經歷過太多太多，我希望你哋每一個都身體健康！」
年屆75歲的阿Lam，一口氣唱了37首經典歌，不消半場已經令觀眾企晒起身又喊又歡呼跳舞。其中一節阿Lam 選唱不少經典電影主題曲，屏幕上播出他歷年合作過女星的經典電影場面，有鍾楚紅、繆騫人、張艾嘉、楊紫瓊、關之琳等等，最後安歌部份，莎莉現身，一起合體大唱70年代的士高medley，原來這一part係專登為香港觀眾新加，整個亞博化身一個大的士高，令氣氛再次高漲到頂點。
因為今次只舉行一場，所以阿Lam的好友紛紛前來棒場，與他一起過聖誕，台上台下都星光熠熠！
【點擊睇台下嘉賓星閃閃】：
完騷後莎莉及阿Lam一同接受訪問，問到阿Lam提到有三個大粉絲缺席而感觸落淚，阿Lam說：「佢Daddy，媽咪唔喺度，所以…不過我媽仲喺度呀！只不過佢嚟唔到呢個騷。」莎莉補充說：「平時佢乜嘢騷都嚟睇嘅，不過佢今次唔舒服喺屋企休養，冇辦法嚟睇騷。我媽咪Daddy 就上咗天堂，但我相信佢哋都一定係現場睇。」莎莉開心表示一直係控制台睇，覺得阿Lam做得好好並坦言「戥佢驕傲！」她更搞笑地說阿Lam並未邀請她做嘉賓：「係我夾硬塞入嚟，本來我剩係做和音，睇住佢呢首新雞尾歌，跳舞又咁開心，跳得咁好，唔捨得唔跳，就跳埋一份！」演唱會，個個笑住走。」阿Lam就說：「咁話係Smile演唱會，見到觀眾反應咁開心，我都好滿足，係呢個巡迴嘅happy ending。」至於會否合體開演唱會，莎莉笑言：「哈哈，再講啦，要畀阿Lam休息吓先！」阿Lam則表示：「我哋從來冇諗咁長遠嘅事，哈哈，順其自然，睇下點啦！」
【其他文章】：
落選港姐張光怡家住半山豪宅飽覽維港靚景 客廳與飯廳偌大空間感勁多
劉嘉玲晒半山「藝術館」級奢華複式豪宅 古典裝修飯廳如同皇宮巨型吊燈極有氣派
盤點50+女藝人最強黑絲造型！趙雅芝襯短褲似少女 周海媚襯旗袍有仙氣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
留言 0