Serrini自爆以為睹後鏡用作溝通　扭鏡補妝嚇呆司機

唱作女歌手Serrini(梁嘉茵)社交平台不時記錄生活趣事，引得不少粉絲關注，早前她又自爆指一直以為車內睹後鏡係用作司機和乘客溝通，坐車時竟然扭鏡向著自己補妝。

Serrini出車內睹後鏡圖自爆搞笑事件：「我一路都以為車裡面塊鏡係用黎望後面睇下啲乘客，係溝通用途嘅🙏🏻咁有一日我坐fd車副駕，佢開車之前我扭佢e塊鏡黎補唇膏，佢同後面乘客都望住我呆左，我話what？佢地好震驚話你係咪一路都以為塊鏡係用黎照。🦜係lol」而粉絲似乎都好like她分享的生活日常趣事，最近Serrini又出文：「有次去食野有個part time女仔認得我，佢話💕hi你係咪Serrini，我成日睇你啲threads㗎，嗰個的士嗰個呢好好笑hahaha！🙏🏻希望大家都聽下歌🙏🏻收入來源🙏🏻」希望粉絲看關注她的社交平台外，都要聽聽她的作品。