譚杏藍搞《星光大道》聚會　羅力威拖大肚雨僑晒恩愛

感情維持11年真係唔容易呀！

雨僑個肚咁圓，似佗女呢。

各自都有不同發展。

歌手譚杏藍參加亞視《亞洲星光大道》第一屆歌唱比賽而進身樂壇，仲記得當年羅力威獲得冠軍，事隔11年，「星光一班」嘅學員各有唔同嘅發展，但友情依舊，不時有聚會。呢日佢哋又聚埋一齊，出席嘅有安俊豪、蔡梓銘、陳蕾、譚杏藍與男友趙善恒、戴鎧霖、李明憲，仲有羅力威帶埋腹大便便嘅雨僑出席。

譚杏藍喺社交網站上載咗一張合照，相中大家開懷大笑，坐前排嘅籮咁大個肚嘅雨僑，同樣笑得好開心，完全融入其中。譚杏藍留言：「十一年，就這樣相識十一年了，有人結婚，有人當了中醫，有人繼續在演藝路上努力，有人到了日本升學，有人快要當爸爸了！」

東網網站 : https://on.cc/

娛樂