男神謝霆鋒同鄧紫棋（G.E.M.）加盟內地節目《點讚！達人秀》，做觀察團成員，霆鋒同G.E.M.拍咗條片為節目造勢！片中身穿西裝嘅霆鋒，喺度專心為節目做準備，G.E.M.就拎咗啲生果畀佢食，而G.E.M.諗住拎個生果食嗰陣，霆鋒就搶咗G.E.M.口中嘅生果話：「唔係咁食嘅！」之後佢拎起把招牌「蝴蝶刀」喺度耍，G.E.M.以為佢幫手切生果，相當開心，點知原來佢呢把唔係「蝴蝶刀」，而係把梳嚟，佢好型咁耍完一輪之後，仲搞笑用把梳嚟梳眼眉添，搞到G.E.M.嬲到爆，咬牙切齒咁怒睥佢，認真無癮！
網民都話佢哋嘅互動好搞笑，情節夠晒「鋒」迴路轉，真係估佢唔到呀，仲有網民同G.E.M.講「唔係靚女就有着數」，而有網民就問霆鋒到底呢把「蝴蝶梳」喺邊度買，想買番把嚟玩吓喎！
東網網站 : https://on.cc/東網Facebook專頁 : https://www.facebook.com/onccnews/
留言 0