請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

獨家丨蔡楓華自資6位數開Show最嬲被封「癲王」 委屈20年:我冇精神病

星島日報

更新於 2022年09月30日11:27 • 發布於 2022年09月29日23:30
蔡楓華委屈咗20年向《星島頭條》申冤:我從冇精神病。
蔡楓華委屈咗20年向《星島頭條》申冤:我從冇精神病。

61歲蔡楓華(Ken)自資6位數於下月21及22日在荃灣大會堂舉行《情深永記演唱會》,最貴VIP位盛惠$780,尾場門票已售罄。入行43年的Ken坦言對被封做「四大癲王」耿耿於懷,強調從來冇精神病亦冇睇過精神科醫生:「唔做天王唔緊要,話係癲王就好離譜,會影響人哋事業,有冤無路訴。」委屈20年,他向《星島頭條》申冤,承認要靠食安眠藥入睡。採訪:方騫平 攝影:譚志光 場地:北角海逸酒店

近年Ken心情變得開朗,他堅持喺疫情下需要發放正能量,開Show唔係為賺錢係為開心。他表示1983年成立歌富製作,以往除咗為自己,亦曾幫過張國榮、梅艷芳、陳慧嫻等開Show,憑經驗唔覺係冒險:「防疫經已成為港人常態,大家唔會再恐慌,唯一擔心中咗就開唔到show要『回水』,所以10月開始要閉關。」

澄清冇畀電視台封殺

Ken又忽發奇想,最想邀請合作過的鍾楚紅、翁靜晶及莊靜宜做演唱會嘉賓,提到歌單時就鬧爆啲KOL:「其實乜人都可以做KOL,佢哋講娛樂秘聞呃到幾十萬個Like,啲料咪係讀報紙,點知秘密啫?佢哋仲好權威話『Ken得兩首歌!』講笑咩,我有百幾首歌《愛不是遊戲》、《絕對空虛》、《倩影》、《也許》,真係好鬼嬲。」他事先張揚個唱將演繹故友陳百強的歌,張國榮嘅歌就冇揀到,佢強調唔係放不低「一殺那光輝不是永恆」事件:「呢件事忘記咗好多年,唔好誤會我,我同哥哥一啲嘢都冇,只係要揀啲合適嘅歌唱。仲要澄清埋我當年冇畀電視台封殺,否則就拍唔到跟鄭裕玲、任達華合作嘅劇集《種計》。」

好窮想買九肚山豪宅

記者多番追問蔡楓華在疫情下點維持生計,佢就咁答,「都有好多工作嘅,好似寫書出自傳會賺到錢,我仲會寫歌及返內地發展,同幾間公司傾緊合作嘢…但我冇錢好窮,冇10層8層樓喺手,?家離開我目標好遠,但唔畀我有志願㗎?我睇中咗九肚山一個單位,以我年紀冇得上會,諗緊一炮過買起佢。」他又發揮大智慧,好權威地表示美國加息,「目前乜都唔好做留住啲Cash。」

問記者做唔做佢女友

過咗花甲之年的Ken形容自己係一個快活老實人:「如果講大起大跌我一定攞金牌,最紅時因失戀喺飛機上閃過自殺念頭,但人生匆匆幾十年,多錢少錢、紅同唔紅都係咁,但我唔難受,仍有好多人支持我呀,到咗呢個年紀你以為我仲係傻瓜?人哋屈我係『四大癲王』,我絕對唔係,呢十幾年用行動嚟洗脫咗,啲人亂講嘢侮辱人,人哋有大好前途真係會影響事業㗎!」他強調從冇精神病及睇精神專科:「因為工作太忙食過安眠藥爭取休息,呢行10個有10個都食啦,邊個做主角唔辛苦?但快樂。」另外,阿Ken自爆感情路上絕對空虛咗10幾年,當追問擇偶條件時?他口花花對著記者

說:「你有冇興趣做我女朋友呀?咁我同你發展吓…講笑啫,幾十歲你估我係湯鎮業咩?以前娶妻求靚女,?家娶妻求淑女。」估唔到Ken跟得幾貼,連63歲湯鎮業再娶嫩妻都知道。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 28

  • Kelvin
    佢都幾可憐,當年俾傳媒抹黑圍攻佢,冇病都屈到有病!
    2022年09月30日01:08
  • Postpunk80
    呢條仆X,當年一副不可一世嘅態度,衰咗好多年後,林敏聰同有線電視幫佢搞演唱會,佢居然又發癲寸林敏聰係旦散二打六,當時二人薑在台上,十分尷尬!呢啲嘢冇人記得,我記得!提下你地讚佢的人。
    2022年09月30日02:19
  • Bu_cC
    我樓下個癲佬都話自無痴線
    2022年09月30日01:22
  • Bjc
    佢甘都唔叫痴線?甘應該係大家痴線得佢一個正常了
    2022年09月30日01:53
  • 十全十美享人生
    老實講,論他的名曲真是不錯,唱歌夠氣,台風不俗,好過現時的歌手。
    2022年09月30日01:39
顯示全部