【《乜代宗師》首映】黃子華否認英皇中途撤資！劉心悠演拳手fit到而家

黃子華包辦編、導、演的《乜代宗師》今晚舉行首映禮，一眾演員包括劉心悠、周家怡、許紹雄、陸永及C君等出席。有消息指英皇中途撤資，但今晚他說並非如此。 

有消息指，本來英皇支持拍攝《乜代宗師》，但電影開拍之際，題材卻未能獲得內地審批，英皇決定撤資，但部分戲組人員已埋班，而劉心悠亦已經為電影學了打拳幾個月，因此黃子華決定賣樓自己出錢頂硬上。黃子華今晚出席首映，否認最初是英皇投資：「呢部一直係我投資，同英皇合作係另一部。」 

黃子華坦言收到不少朋友的鼓勵和支持，更特別多謝女主角劉心悠飾演拳手，接受地獄式訓練。「心悠冇肌肉，最初連半下拳上壓都做唔到，咁我就地獄式訓練佢半年，每個星期3、4日，每次6個鐘，試過跟佢訓練，自己都嘔白泡，因為要練大隻，先要谷肥佢，大家都驚佢返唔到轉頭，之後又要佢節食戒鹽，折磨咗佢半年。佢真係好黐線，之前叫佢喺首映騷肌，點知佢拍完半年，佢仲繼續訓練，真係騷肌畀大家睇。」 

就現場所見，劉心悠的確依然很fit，更說：「之前受傷打石膏都繼續拍，傷咗左手用右手，傷咗右腳用左腳。」同時，她說很開心終於來到今日首映：「而家好想打擂台，尤其想打敗訓練我嘅老師，我試過由48kg增到55kg，好開心拍呢齣信心保證。」  
撰文：二弟