微辣阿晶逝世｜加蔥宣布退出微辣向阿晶道歉 否認迫墮胎出軌搭上儀仔
YouTube頻道微辣前經理人阿晶（Jane）昨日輕生離世，她透露自19年墮胎後患上抑鬱症，受情緒病纏繞4年。當年她提及舊愛加蔥強迫自己墮胎，而一度聲稱「不婚主義」的加蔥突然在上年向女友儀仔求婚，因此加蔥成為眾矢之的。加蔥今晚（27日）8時左右，加蔥在自己YouTube頻道開直播，於網上直播回應事件，宣布已經退出微辣，並向舊愛阿晶道歉，但否認迫對方墮胎及出軌追儀仔。
加蔥直播以「對不起」為標題
今晚8時許，加蔥在自己YouTube頻道開直播，以「對不起」為標題，全程黑畫面，直播長約8分鐘。他先宣布退出微辣：「我覺得做咗嘅嘢要負責任，所以我都喺度講聲退出微辣，唔希望因為我自己做過嘅嘢而影響到其他唔關事嘅人，同公司傾咗，今日已退出微辣。」
加蔥強調「大家傾完決定唔要」
加蔥同時向前女友阿晶及其他人道歉：「首先好對唔住大家，好對唔住阿晶，對唔住同事。」他承認墮胎一事確實影響到阿晶情緒，自己責無旁貸，向阿晶道歉，但否認強迫阿晶墮胎，表示：「我同阿晶19年3月尾知道有小朋友，4月份唔要小朋友。呢度都講返唔要小朋友呢件事，好多人話我迫佢，我講咗好多次真係冇迫到，由我哋有小朋友，我話可以生出嚟，一齊養，到後面大家傾咗好多，覺得唔係咁適合，所以我就唔想要小朋友，最後大家傾完決定唔要，呢個係事實。當然佢去當日，我冇陪佢，呢個係好錯嘅事，原因我唔多講，但呢件係錯事。」
微辣十周年聯歡晚會延期 「愛護阿晶的朋友」籲抵制品牌至撤換藝人
加蔥表示理解很多人想為阿晶討回公道，不過也有很多人是食花生、亂帶風向，或是未了解成件事，他覺得有必要為自己澄清一下有關的時間線，不想影響到另一半，「因為佢都受左好多委屈。」外間指他未與阿晶分手便搭上未婚妻儀仔，加蔥出聲為她澄清：「我同阿晶2021年1月分手，唔存在第三者，唔係話未一齊就想追第二個。我同儀仔21年10月份一齊，分咗手9個月一齊，長同短，交畀你哋判斷。」
加蔥最後表示所有東西都有證據，澄清無必要講大話：「因為反正我都會退出微辣，我唔想畀網上啲人亂講。」加蔥又指，阿晶才剛剛離去。「好多嘢要拎出嚟講都唔係依個時候，我同大家講對唔住、同阿晶講對唔住、同同事講對唔住，因為呢件事影響好多無辜嘅人，就係咁，再見大家！」
留言 48