湯令山10月倫敦開騷 演繹暗黑新曲風 期間限定絕不加場

湯令山（Gareth.T）今年4月展開世界巡唱，完成美國、加拿大5大城市的演出後，正式宣布將於10月30日在英國倫敦O2 Shepherd's Bush Empire舉行《Gareth.T-Prince of Sadness演唱會》。本月6日早上進行優先購票，其餘門票8日公開發售。

談到今次英國站演唱會主題《Prince of Sadness》，Gareth.T說：「演唱會名係因為我創作時成日覺得好sad，寫咗好多悲情歌，所以某程度上係擁抱依家嘅自己同代表嘅嘢，亦算係對我現階段音樂特質嘅詮釋，不過將來可能會變。」

Gareth.T強調英國站是期間限定，絕不加場，又表示英國站的演出跟美加站有明顯分別，歌單上會重新編排。他說：「美加站演出好開心係可以同一班志同道合嘅人同台，一齊玩音樂、享受音樂，好開心，同時亦成為今次英國站嘅預告，因為英國站歌單上，一樣會展現出我歌曲中不同情緒。」Gareth.T補充今次英國站呈現嚴肅、黑暗風格，同時亦會有不同情感元素，以歌曲與英國樂迷走進其音樂世界。

演唱會消息公布恰逢新歌《用背脊唱情歌》MV突破400萬點擊，主辦方表示將呈現其歷年經典與新作，讓海外樂迷感受香港R&B的獨特魅力。

（即時娛樂）