MC張天賦三場紅館騷光速售罄！尾場設網上直播「年初一同大家拜年」

MC張天賦出道未夠兩年，就將於1月20日至22日初登紅館，舉行一連三場《This is MC》演唱會，是首名開個人紅館騷的《全民造星》參賽者。

一眾「賦二代」（粉絲名稱）未開售就已經四出撲飛，但早前門票一開賣就瞬間售罄，不少樂迷都未能成功入手。大會宣佈將於1月22日尾場將設有網上直播，票價$380，只限音樂會期間同步直播，不作重播。MC拍片興奮表示：「大年初一到時同大家拜年」。

網上直播通行證由今日（1月6日）中午12時至1月21日 晚上11時59分發售，購票在此。

面對紅館三場演唱會，MC坦言心情興奮：「第一次自己搞一個咁大型嘅show，唯一擔心狀態和體力問題，但係都期待、興奮同緊張嘅。」

MC早前已開始籌備演唱會，「希望繼上一次演唱會跳完舞之後，今次都一樣可以跳到舞，帶多啲驚喜畀大家，同埋希望增加自彈自唱玩樂器嘅環節，其他唔講咁多住，入場睇！」