陳慧琳時隔8年出新碟賀30周年 1:1舞台備戰下周演唱會

陳慧琳（Kelly）的10場《陳慧琳Season 2 萬人結界演唱會》下周五（11日）於紅館開鑼，Kelly將透過音樂、燈光及舞台效果，打造一個專屬的音樂能量場，與歌迷共同重燃30年來的經典時刻。她昨天現身綵排場地時表示︰「今次綵排係最後衝刺，今日嚟呢個1比1舞台模擬練習，因為紅館舞台好大兼舞台特別構造，排舞室冇咁大場地畀我哋真實咁走位，再加上演唱會有好大嘅道具、好多機關，配合舞蹈同dancer，今日所有人都要嚟綵排，台前幕後工作人員全部到齊，租用場地做3天大型綵排，希望趕及排練進度。」

談及演唱會上的跳唱部分，Kelly透露：「演唱會其中一個結界（環節），係帶大家返去Y2K時代嘅Rave party，所以記得要著輕便裝束嚟一齊跳舞。」適逢入行30周年，Kelly亦推出新專輯。她說︰「我自2018之後就冇出過碟，今次將呢段時間發行過嘅廣東歌及國語歌都收錄喺裏面，當中仲有一首新歌，隻碟7月11日起紅館優先開賣，7月15日正式公開發售。」Kelly最後呼籲演唱會觀眾記得準時入場，避免錯過精彩開場環節。

（即時娛樂）