姜濤自爆成績差中三被踢出校感後悔 有自知之明絕非天才

MIRROR人氣王姜濤早前接受鄭裕玲（Do姐）的商台節目《口水多過浪花》的錄音訪問，而該訪問昨日（17日）播出，姜濤罕有地剖白過往的日子及成長過程。姜濤中學時期曾是一個200磅肥仔，因此被人取笑及欺凌，但他表示除了因外表，亦可能是與自己的性格有關：「我係一個好肥嘅人，但內心深處唔肯承認自己咁肥，當呢種矛盾狀態一齊時，就會做到乞人憎，可能大家話我肥，我會話：『肥乜吖！』我都會攻擊番人哋，人哋可能只係講笑，但我就好認真，搞到人哋唔鍾意我，我又唔鍾意返人哋，呢種幼稚心態，導致自己嗰時冇乜認識到朋友。」他亦覺得當時自己性格也有問題。

姜濤當年只讀到中三，便轉校去青年學院（邱子文）讀文憑，他直認當時因成績太差被踢出校：「因為我係留班，留班之後又冇乜癮，唔想喺呢間學校，加上冇乜朋友，嗰時社工介紹不如去讀其他嘢，所以就離開咗，而離開後幾後悔，後悔冇珍惜學生時光。」姜濤坦言如果能夠回到學生時期，希望可以努力減肥：「希望學生時代都靚仔，內心深處唔甘於做肥仔。」姜濤希望大家可以學會多與自己溝通，因最終都是要由自己解決問題。雖然年僅22歲，但姜濤已名利雙收，但他時刻提醒自己不能夠自滿：「我有自知之明，唔係乜嘢天才，又唔係由細學音樂學到大，冇資格話好，我對自知之明好高，有幾多係靠運氣，如果話靠自己行過嚟就太自大，有上天同身邊人幫忙。」

立即下載 | 全新《星島頭條》APP : https://bit.ly/3yLrgYZ