江若琳自爆家中鬼故　喇叭傳女喊聲引吳若希留言：都幾襯你

靈異事件，即係鬼故，可以說是網上流量密碼之一。日前江若琳就在社交平台分享親身經歷，指晚上近12點時，突然聽到客廳中的藍牙喇叭傳來一把女人喊聲，而在旁邊的老公亦同樣聽到……

江若琳留言：「噚晚12:00發生左件好嚇人嘅事，無啦啦聽到客廳speaker傳出一把女人喊聲，而個女人係講緊第二種語言……喊得好淒涼，斷斷續續喊下停下……我同先生對望咗幾下再出去廳望吓，個女人又突然間喊吓，我哋衝入姐姐房，姐姐話：佢都聽到佢都好驚，正當大家都嚇到面青。」不過5分鐘之後，她收到「都好驚」的姐姐短訊，指她發現原來自於下午看劇後未有斷開喇叭的藍牙連接，而剛剛是因為她打開YouTube睇片，所以聲音在廳外喇叭傳出。江若琳發現自己虛驚一場：「頂呀！！嚇死咩。」更引來吳若希留言：「其實你姐姐都幾襯你。」