Ian忠粉羅淑佩自認單身　不覺陳卓賢是白馬王子：我做得佢阿媽有找喎

房屋署署長羅淑佩是MIRROR成員陳卓賢（Ian）的忠粉「Hellosss」，羅淑佩今日（13日）接受電台節目訪問時，被問到Ian是否符合她的理想伴侶條件時，她笑言自己「做得佢阿媽有找喎」，又笑指「如果有個咁嘅仔就唔錯啦！」

羅淑佩今日接受港台節目《舊日的足跡》訪問，被主持人車淑梅問到，她如此喜歡Ian，會否擔心被外界稱為「追星署長」，羅淑佩表示不介意，但形容「我唔係追星」，只是有自己喜歡的歌手，與普通人一樣，直言：「唔知點解而家大家有自己喜歡嘅歌手就變咗追星。」她又反問：「我去到呢個年紀，點解大家覺得唔可以再做返一啲大家都做嘅事情呢？」

羅淑佩表示，平時自己會聽歌、看演唱會等活動去放鬆，不覺得去看演唱會或是有喜歡的歌手就等於「追星」。她又說，除了Ian外，今年她也看了江𤒹生（Anson Kong）、鄭秀文及郭富城等歌手的演唱會，並非只看了Ian的演唱會。她說：「有啲演唱會吸引多啲媒體，咁佢哋影到相、寫兩句，有啲其實我去咗擺埋喺Facebook，大家都可能冇留意、冇報道，就咁啫。」她亦直言，最近因巴黎奧運而留意乒乓球國家隊，早前國家金牌運動員訪港期間，成功與「六金王」馬龍合照握手，感到好開心。

羅淑佩除了回應「追星」一事外，更罕有回應感情問題，她坦言「就係一個人囉」！羅淑佩表示沒有刻意去追求戀愛，所以是「等天意」的狀態。「冇㗎喎，不過去到我呢啲年紀就唔再傾呢個問題啦。」被問到Ian是否她的理想型時，她語帶激動表示自己年紀大：「吓？我做得佢阿媽有找喎！」雖然Ian不是她心中的白馬王子，但就覺得：「如果有個咁嘅仔就唔錯啦。」

訪問播出後，羅淑佩亦在社交平台表示：「感謝淑梅姐的邀請，這是我自己很喜歡的一個訪問，希望你也可以透過它認識我多一點。」