《愛．回家》新女登場　張盈悅M到玩血崩？

劇集《愛．回家之開心速遞》大受歡迎，有份演出嘅藝人，成功入屋嘅機會都大增，最近又有新面孔加入喇！

曾參選2020年港姐嘅張盈悅、麥詩晴同埋源菲然齊齊加入呢個大家庭，做香港島大學生，劇中佢哋放低靚女形象，表現勁麻甩，張盈悅玩埋剃腳毛，佢哋仲一齊逼焦浩軒幫手排隊拎M巾，張盈悅勁爆咁話：「你唔幫我攞，你信唔信我血崩畀你睇！」表情極為浮誇！

劇集播出之後，佢哋都喺社交網晒出合照，叫大家多多支持佢哋！至於入唔入到屋呢？就睇佢哋嘅造化喇！

東網網站 : https://on.cc/

東網Facebook專頁 : https://www.facebook.com/onccnews/