朱晨麗曾幻想完美婚禮　惜計劃趕不上變化

藝人黎燕珊大女劉詠詩（Wynce）與男友鄭健民（Kenneth）去年已註冊結婚，今晚（7日）假酒店擺婚宴暨弄瓦喜酒。黎燕珊的圈中好友朱晨麗（朱朱）、無綫高層樂易玲帶同兩名兒子、李司棋、邱德根太太及兒子話邱達根，郭富城經理人小美到賀，但黎燕珊的前夫劉永未有現身，但劉永的胞姐帶同兒子及新抱一家三口出席。

當婚禮開始時，一對新人帶同囡囡凱蕎，還有黎燕珊及媽媽四代同堂影全家福，凱蕎表現淡定兼表情多多，相當趣致。黎燕珊接受訪問時感覺如釋重負，多次強調將個心肝寶貝女交給女婿照顧，又大讚女婿有膊頭，新娘都則指老公有責任心，新郎就欣賞新娘善良。

問到新娘可會再添丁，她說：「休息吓先」因任職空姐要繼續飛，好彩老公請了女傭及奶奶幫忙照顧小朋友，減輕其工作量。問到黎燕珊何時娶新抱，她表示：「不遠了」，又講笑：「咁話下一個輪到自己。」問黎燕珊可有追求者？她說：「唔話你知」。

而朱朱表示和黎燕珊合拍無綫劇《多功能老婆》後一直保持聯絡，感激前輩的照顧：「好鍾意食佢嘅紅燒肉，知我父母唔係喺香港，就會請我食住家飯。」問到黎燕珊可有趁婚宴介紹青年才俊？她表示：「主要都係嚟食餐飯啫，（去婚宴有冇令你結婚？）10幾歲有幻想過，但計劃趕唔上變化，最緊要係搵咗另一半先。（唔係有位成日拉頭馬嘅富二代緋聞男友？）其實我都有其他朋友係馬圈人士，又唔知點解佢哋請親我入去，都可以拉頭馬喎。咁我都有跟佢哋買，贏少少囉。」當被讚她腳頭好時，朱朱報以甜笑，又自轉話題指剛自內地拍完和苗僑偉合拍的劇集《重案解密》，稍後要在港開工。

東網網站 : https://on.cc/東網Facebook專頁 : https://www.facebook.com/onccnews/