好食雞飯星馬菜　超濃香招牌海南雞飯｜太子｜蘇山雞飯

唔好以為而家嘅開心果風氣，剩係會捲入cafe/餅店呢啲地方，估唔到星馬菜竟然都有蹤影，出埋開心果milk shake，大熱天時真心爽，唔知會唔會有開心果狂迷特登黎外賣買杯飲。

呢間雞飯一向超多人食，睇店名以為得飯食，但其實佢地主打星馬菜，仲有唔少其他選擇，例如蝦麵、叻沙、粿條、白咖哩麵咁，分分鐘麵嘅選擇仲多過飯。

-
🍗招牌海南雞飯 ($85)
🍗黑白雞飯 ($116)
1️⃣黑白即係海南雞同醬油雞，呢到都係用上走地雞，肉質結實肉味濃，醬油雞，而且雙拼其實都幾大份。
2️⃣重點係雞飯煮得超濃香，味道滲哂入飯底，仲跟埋碗雞雜冬瓜湯，全隻雞用到盡。

🍜叉燒香辣蝦麵 ($70)
除咗湯底鮮甜清澈，值得一提嘅係叉燒竟然特別正，外層微微焦香，肉質真係軟腍，用上黑醬油非常入味，睇片都見幾靚仔。

-
🥓順化豬肉串(3串 $38)
🍖輕怡排骨茶 ($48)
🥪鮮油咖吔多士 ($30)
呢到小食選擇真心多，忍唔住嗌多幾份擺滿成枱，肉骨茶甘甜又胡椒香重，最愛嘅咖吔多士超邪惡，大大塊牛油同搽滿咖吔醬。

🍨咖吔油條配薄荷朱古力雪糕 ($38)
🥥開心果椰子奶昔 ($32)
🍍砂拉越菠蘿冰 ($48)
夏天嗌呢啲真係一流，估唔到連開心果奶昔都有，開心果夠香濃，入口仲有微粒質感，菠蘿冰就原個新鮮菠蘿上超霸氣。

-
蘇山雞飯 @susan_chicken_rice
🗺️太子彌敦道759-761號藍馬之城地下2-3號舖
📞92940040
❇️長沙灣都有分店：長沙灣元州街411號義華大廈地舖

生活