泰北醉邁牛腩！泰國人都黎嘅泰菜｜旺角｜泰好記

唔知大家去旅行食飯，會唔會睇下間餐廳多唔多當地人食。如果去咗間多當地客人嘅餐廳，就會暗爽發掘到咩隱世寶藏咁，估唔到係香港食飯都可以有呢種感覺。

好似呢間泰菜咁，平時經過真係唔起眼，但入到去發現超多泰國人黎食，越夜越多咁，原來仲有電視台報道過添。而且本身都係泰籍大廚主理，樓面都係泰國人為主，唔怪得味道咁地道。

-
🐚白灼螄蚶 ($85)
出邊都越黎越少泰菜有螄蚶食，輕輕灼熟，鮮甜到極點，沾上泰式酸辣汁，惹味到越食越上癮。

🥩醉邁牛腩 ($168)
上網睇全香港得呢到先有得食，係泰國大廚獨創嘅家鄉味道，牛腩燉到非常軟腍入味，加入來自清邁嘅香料，湯頭微辣但帶點清甜超正。

🍝泰式蛋包金邊粉 ($88)
🦀泰式咖哩軟殼蟹 ($168)
呢到金邊粉超有鑊氣，調味啱啱好，重點係蛋包得真係靚，而咖哩除咗濃厚，軟殼蟹真係足料，外脆內鮮嫩。

🥗傳統地道木瓜絲沙律 ($98)
見到呢到最受泰國人歡迎嘅，竟然係呢道木瓜沙律，原來入邊罕有地落咗泰國臭魚醬，出邊少見。特別帶有鮮味。

🥭椰汁芒果糯米飯 ($68)
🧋泰式奶綠 ($30)
🧋泰式奶茶 ($25)

-
泰好記 @thaihokee
🗺️旺角通菜街75-77號地舖
📞5722 7837

生活