陳曉華自爆體質敏感　一聽到朱敏瀚就「發作」

藝人陳曉華（Hera）現身尖沙咀出席美容品牌開幕活動，擔任代言人的她表示以往因懶同擔心被sell很少做facial，機緣巧合下嘗試部分療程，問到觀看球賽當日朱仔有冇讚她變靚，她則指：「完全冇我哋專心睇波，我哋係睇唔到大家，我哋只係一齊有張差唔多嘅飛。（會唔會叫埋朱仔嚟做？）我會叫晒所有朋友嚟做。」

提到郭柏妍近日因食物敏感引起面部浮腫而入院，Hera指自己沒有食物敏感但很容易敏感，曾試過皮膚敏感到成塊面腫晒，最後要入院打抗敏藥，直言自己體質敏感，隨即被記者笑講聽到朱仔就敏感，Hera就笑言自己聽到緋聞就敏感，不要再提緋聞。

工作方面，Hera透露正在深圳拍攝劇集《新聞女王2》，她指很喜歡自己的角色，是一個壞女人，上季因為被欺負，今季就回來報復Man姐（佘詩曼），希望令她遇到很多困難。

東網網站 : https://on.cc/東網Facebook專頁 : https://www.facebook.com/onccnews/