馬志威親解顏值大跌之謎　為角色減磅轉走「褸丘風」

現年39歲的馬志威，最近在TVB新劇《黑色月光》亮相，但未知是因為五官進階，還是增加了男人味，不少觀眾和網民都認不出那個是拍《第一次不是你》、《12日》和內地劇《三十而已》的馬志威，而《黑色月光》的馬志威終於不再撞樣沈震軒。

馬志威由《三十而已》（左）到《黑色月光》（中）被指顏值大跌，唔再撞樣沈震軒（右）。

馬志威曾演多位歌手MV男主角

馬志威於2012年曾在多位歌手的MV中飾演男主角，包括吳雨霏《告白》、容祖兒《不好意思我愛你》、古巨基《告別我的戀人們》、許志安《情人甲》等。2013年首次演出電影，就在《第一次不是你》中擔任男主角。之後演出多部電影，在2019年《入鐵籠》、2022年《忽然心動》、2023年《12日》等的演出較為香港觀眾熟悉。至於內地，馬志威於2020年憑《三十而已》的梁正賢一角曾掀起討論；最近在《黑色月光》亮相，不少觀眾都認不出他。

幾年前，馬志威於內地劇《三十而已》飾演事業有成型格渣男梁正賢，半剷青短髮配留鬚造型相當出眾，男性魅力爆燈，但在《黑色月光》留長頭髮後卻判若兩人。今次馬志威轉走「褸丘長髮渣男」路線後，因臉形感覺被拉長、顏值大跌而引起「變臉」討論。

馬志威今次是刻意為角色轉行「褸丘風」，為了投入角色，刻意將自己減到好瘦：「個角色瘦係有原因嘅，佢晚晚玩到咁夜、又飲酒又亂嚟，個精神狀態一定係差，你不能夠精神好飽滿去演佢，我鍾意從外形出發，因為係我覺得係由外影響到內，所以定妝for我好緊要。」

而據其劇中的媽咪文雪兒透露，馬志威足足花了兩日才為角色完成造型，並笑言馬志威變髮前後感覺截然不同：「佢真人好乖仔，佢一唔整呢個頭，就成個人乖晒。佢呢個造型做咗兩日，我覺得做得好好。」文雪兒大讚「囝囝」馬志威乖巧：「佢本身唔係太多嘢講，但佢對我好好，佢拍完劇都有耐唔耐問候吓我，都有send message畀我，我都幾欣賞呢個後生仔。佢好入戲，成日自己設計自己每一個動作或所有嘢，我依家睇番套戲，都覺得佢做得好好。」