葛綽瑤摸黑夜潛考牌 鄭杞瑤深潛逾18米 無懼曾突發性失聰

ViuTV全新真人騷《潛在挑戰中》前晚（16日）播出第1集，提到鄭杞瑤（Kylie）去年患上突發性失聰，左耳聽力不足三成。今晚（18日）播出的第3集，她將要與葛綽瑤（Yoyo）、陳映同（Lezlie）及程人富在菲律賓接受考核，其中一項是要深潛超過一定深度。Kylie說︰「我都幾驚，今次話要潛過18米，臨落去好驚隻耳仔，今次好慢好慢咁落，feel到壓力無咁勁，一直接近去到19米都OK，今次反壓反得好順利。」 程人富問：「你第一次感受到慢嗎？」Kylie說︰「我人生好少會慢，但唯一令我可以慢嘅就係個海。」

4位藝人還首次在晚上潛水，他們志氣高昂，決定要在當地完成「進階歷險潛水課程」（俗稱A牌）餘下的考核。對於夜潛，Yoyo和Kylie直言主要怕黑，缺乏安全感。落水前，Lezlie感到不適，需問節目組拿白花油提神。程人富坦言最驚夜潛：「我記得以前考完O仔之後，教練即刻問我想唔想考A，佢一講到要考夜潛，我即刻話『算啦唔使啦，我應該都唔會夜潛㗎啦。』我唔知睇唔到嘢嘅時候，心態係咪仲可以好似日頭咁輕鬆，因為我覺得心態輕鬆先可以做到啲技巧。」

（即時娛樂）