《全民造星V》大熱KC黃家灝超班入圍！女友Win Win不避嫌興奮狂撐

ViuTV選秀節目《全民造星V》今晚（25日）播出最新一集，所有參賽者都悉數晉級60強，包括19歲的樂樂﹑馬來西亞參賽者Kingston及Ritchie，以及Lucas與Adams，還有大熱門99號黃家灝（KC），KC亦是《全民造星IV》參賽者楊安妮（Win Win）的男友，有份參與《全民造星V》的Win Win亦不避嫌興奮大叫支持男友。

早前KC在《全民造星V》記者會中獲大會安排做訪問，在主題曲有大量企中心C位的鏡頭，於是KC順理成章成了今屆的頂頭大熱人選，而KC在今集登場。Dancer出身的KC，表演項目是他最拿手的跳舞《Beatbox的起源》來說故事，以戰國時期的著名典故《荊軻刺秦王》作為內容，配合beatbox的節奏，揉合起承轉合的跳舞表演，贏得一眾評判壓倒性的好評，成功入到導師陳健安和陳蕾的一組。

其中，Edward大讚KC：「其實嗰段節目音樂結束後，佢行去呢個位，啱啱射燈照出佢半個背影，我已經想撳（燈），同埋我已經Feel到呢個表演係會圓滿，因為佢嘅信心話畀我聽，佢唔會係揸流攤；另一方面，音樂編排幾新穎，好屬於𠵱家我哋聽嘅嘢，我覺得將一啲已有嘅嘢，變成現在嘅嘢，仲要係自己嘅嘢，好難得，創作過程非常欣賞。」

另一評判Sunny亦激讚：「每份資料我都有睇，《造星IV》總決賽Win Win個表演我仲記得，所以我對你嘅要求係好高，我咁早撳（燈）係因為你有度嘢，Dancer嚟講，跳得好係基本，跳得好之餘肯講故仔已經好難，願意講Story仲要有幽默感，係難上加難，所以你係無可限量，希望你加油，好期待。」

節目同時播出KC參加《全民造星V》的面試片段，他說：「其實《全民造星》傳播力好好，我覺得喺香港對舞蹈員嘅欣賞及尊重，係可以再提升啲。」不過，KC在面試時卻被導師指他的唱功有待改進，他一時感觸落淚：「其實我最初好鍾意唱歌，之後因為中學嗰陣發生過好多事，我有好多打擊，唔係好敢再唱歌，就算唱K我都唔太敢唱。直到之後鍾意跳舞，我覺得係音樂帶領咗我及創作帶領我去跳舞。」

KC坦言小時候對自己唱歌充滿信心，但去到中學時參加合唱團﹑參加比賽，得到的結果很差，甚至有人指他唱得難聽，那份直接嚴重打擊了他的自信心，好像從天上跌下來一樣，於是他後來花更多時間專注跳舞而非唱歌。

現年25歲的KC是一名Dancer，亦因為他是Win Win男友而廣受網民認識。KC曾參與許廷鏗《假面具》、Anson Lo《Megahit》等MV拍攝，加上是跳舞導師、排舞師的身份，早已成為頂頭大熱。