奇情谷｜男方因牛仔裙分手公審熱爆網絡 女事主親述過程

由火火、吳若希（Jinny）及曾展望（GM）主持的TVB Plus節目《奇情谷》，昨晚（7日）是添食集數後的首集，主題為「夜總會眾生相」，請來夜總會老闆李健民（Edward）分享夜場奇情故事，賴慰玲再以客席谷主身分暫替吳若希（Jinny）。

昨晚「有料報」環節故事發生在香港，不單離奇且耐人尋味，GM報料時說︰「呢單新聞真係癲，有4千多個likes、7千幾個followers。最近有女網民Chloe喺社交平台公審佢嘅前度，事緣男仔唔知咩事好憎牛仔褲，經常對女方嘅穿衣style彈三彈四。」

2個月前他們旅行後，因為一條牛仔褲及牛仔裙，最後分手收場。網民在社交平台的留言非常抵死，有人指：「我睇到一塊牛仔布顯靈，拯救一個女仔一生嘅故事」、「佢童年係咪比牛仔褲打過」。

當事人Chloe接受電話訪問時透露詳情，她說︰「一齊去韓國旅行，頭幾日都無事，去到最尾嗰日佢突然好冷淡，又唔拖我，又係咁撳電話。」返到香港後男友對Chloe反應冷淡，最後Chloe忍不住問對方，得到的回應令人驚訝。

節目中播出男方短信回應，內容提到「我一路以嚟拍拖，啲女朋友着啲（我）唔鍾意嘅衫，我可以好冷淡，唔淨止對你係咁，着好正就會係咁攬住佢、惜佢，我出街都想女朋友靚、同我襯呀﹗」他對Chloe旅行時穿的牛仔裙，以「震驚」同「重擊」來形容，Chloe續說︰「話我條牛仔裙令佢冇晒mood，想sweet都唔得。」最騎呢的是男方一面品評Chloe的衣著打扮，另一邊在韓國旅程中，都穿同一件恤衫。

「奇情嘉賓」Edward從事夜總會工作，見盡當中奇情故事，他提到紙醉金迷的80年代夜生活蓬勃，夜總會成為燒金窩的表表者，一晚普通消費動輒十萬元不足為奇，他說︰「當時沙田第一城兩房單位都係賣80萬左右，入行要求好簡單肯飲酒，樣唔係太差。」

夜總會是炫富的地方，當年Edward見證2位豪客用銀紙煲飯的豪情，目的只是取悅一位女公關，他說︰「兩個有錢人燒銀紙去煲熟煲仔飯，當然最後無輸贏，目的只係炫富。當年成層樓做貼士我都見過。」Edward提到千禧年代有位20出頭的女生，堪稱「公關女王」，不單身材好更加是時間管理大師，同時有15位客人包養。

（即時娛樂）