陳穎欣嫁期有變　有米監製陳考威認與李靜儀拍過拖

前女子組合Super Girls成員陳穎欣（Yanny）與「有米監製」陳考威（Gareth）曾揚言今年結婚，不過日前Yanny出席活動時卻表示婚期定於明年1月在澳洲舉行，對於她「嫁期」有變，日前Gareth接受電台訪問時自揭原因，他說：「因為要擇吉日。」

談及和Yanny拍拖8年，去年1月在秘密籌備的日本之旅向女友求婚，不過過程搞笑，他大讚：「事前好驚隻戒指過唔到海關或畀人偷，因為都用咗好多錢買！嗰晚Plan咗要喺煙花下求婚，但佢行Outlet耐咗，又遇大塞車，搞到我好忟，終於去到睇到煙花個位，我唔識直接講，佢又叫我唔好喺咁多人面前跪，返酒店先，原來求婚唔係電影中咁浪漫。」他又否認曾跟傳過緋聞的連詩雅及王灝兒拍過拖，至於亦傳跟Super Girls成員Heidi（李靜儀）有一段情，他指組合拆夥跟他無關。

東網網站 : https://on.cc/東網Facebook專頁 : https://www.facebook.com/onccnews/