請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

伍詠薇做養生療程被屈想生仔 發火開名鬧傳媒:咁大整蠱啊

「伍姑娘」伍詠薇不嬲性格都勁霸氣。

52歲「伍姑娘」伍詠薇一向都畀人一種霸氣又直腸直肚的形象,即使早年面對老公練海棠出軌,選擇容忍的伍姑娘都直言如果再有同樣事情就「唔會再包容,我唔係神仙」!近日,有傳媒就因為「作故仔」而辣㷫伍姑娘,仲搞到佢出post反擊!

近日有傳媒指伍姑娘出入養生中心秘做「子宮保健」療程係博生B。
仲做埋封面人物。
躺着中槍的伍姑娘直接開名反擊傳媒。

 

伍姑娘強調自己唔會生小朋友。

事源近日有傳媒就以伍姑娘作為雜誌封面人物,指她出入養生中心秘做「子宮保健」療程博生B。事後伍姑娘在個人Facebook打下長文直指被「大整蠱」:「去做保健療程就屈我一定為生仔嘅……新舊嘅偷拍相撈埋一齊炒埋一碟 周時跟蹤偷拍預咗你哋……但今次仲要喺人哋公司網頁偷圖力証我一定係為生仔……」仲話今次感覺躺着中槍感覺不良好,一直以為自己跟雜誌關係良好,但係今次就唔開心被對方「屈得好應」,更強調:「本小姐每星期都去做『子宮保健』係為養生,即係等於我每星期去做facial一樣,係『保養』……呢啲係常識,我唔會生小朋友,只係做保健療程就係咁簡單。」