湯洛雯成功減20磅　為馬國明收婚禮封口令解畫

藝人湯洛雯（靚湯）、張曦雯和李佳芯今日（26日）出席護膚品牌活動，對馬國明表示收封口令而未能透露年底婚禮一事，靚湯解釋實情婚禮細節無向他透露，雖然他想幫手，但她不想多費唇舌解釋，故馬國明所知不多，她希望婚禮有私隱，不想全部公開。她笑言馬國明只知他自己的禮服和兄弟的禮服，問是否信得過他揀衫的品味？她說：「唔理，佢會搵Stylist幫手，唔會着波衫出席啩！」

她稱為籌備婚禮感到大壓力，因為半年前完全冇理會，大日子逼近，好多事情十分複雜，並不簡單，她希望婚禮可以簡單一點，婚禮冇玩新郎和開門利是環節，只想兄弟姊妹扮靚靚出席。她自爆以戒糖減肥，成功減掉20磅，但冇得食甜品好辛苦，後遺症變燥底，會發忟憎，加上籌備婚禮壓力大，笑言戥馬國明受罪慘：「佢一Feel到我忟，就叫我食雪糕，不過依家已經慣咗戒糖。」雖然減肥辛苦，但仍希望再減5磅。婚期沒有受馬國明拍劇影響，並已向監製請假，稍後將如期出發去歐洲影婚照。

東網網站 : https://on.cc/東網Facebook專頁 : https://www.facebook.com/onccnews/