陳瀅趁空檔濕平　一次過碌卡碌出最癲Limit

果然購物能醫百病！備受力捧的藝人陳瀅（Jeannie）近日進組拍攝重頭新劇《璀璨之城》，日日開工可謂忙到天昏地暗，而為減輕工作壓力，她竟然趁少許空檔，於外景地澳門Shopping，成功入手一個品牌經典黑色型格包包，共找來好友與自己一齊「開箱」，拍片大晒戰利品並上載到互聯網公諸同好，可謂恨死隔籬！

視頻中陳瀅透露當日Shopping全程戴上帽子及口罩，未被旁人認出，期間走遍該品牌全澳門店舖。最初揸不定主意，惟有打給好友求救，最後扑槌埋單，買了一個黑色經典型格款式，相當豪氣。她謂：「因為啱啱碌卡嗰陣係一次過碌㗎嘛，我未見過我張卡係碌到呢個limit，我有啲驚，畀啲情緒價值我！」據悉，該款式皮革非常不耐刮，容易產生刮痕，所以近年新品已買少見少，猶如停產一樣，令二手市場價格飆升，而陳瀅購入心頭好，自然屬於無價寶。

東網網站 : https://on.cc/東網Facebook專頁 : https://www.facebook.com/onccnews/