谷婭溦寸爆「大師」靠批評自己搵食　嫌疑人身份疑曝光

無綫歌唱節目《中年好聲音4》評審之一嘅歌手谷婭溦，前日（11日）突然於社交平台發文大鬧，不點名批評某「大師」借批評佢搏流量，公開挑機對方「不介意你每一集都來盯住我」，更謂︰「知道你搵食艱難，如果講我，可以令您搵到食嘅，我想我也是做了一個功德了！謝謝您了！某某某老師，我祝福你愈來愈好！」之後她在留言補充說︰「其實我本不想講，但一次又一次，係覺得我好蝦？」

有網民問谷婭溦所指嘅「大師」係咪曾於Channel貼文區設計一個針對谷婭溦嘅封面，谷婭溦留言︰「沒關係，日久見人心的！」又有疑似工作人員留言稱︰「某人本來有參與中年好聲音嘅導師但最後佢嗰部分cut晒，所以有人懷恨在心囉，仲話自己係教徒 心地唔好，好多人想入中年好聲音做評判或者導師，呢啲人發夢諗吓好啦！」同時谷婭溦再補充︰「總有一些人喜歡在背後踩別人他才有存在感，我敬他是前輩，也不枉大家在抖音相識一場，還一起拍片，還要問我怎麼在抖音開演唱會，我都悉數告知，怎料會被無端亂咬攻擊，我也是吃一塹長一智了，好在大家的心都很明亮，分的清楚是非黑白，好人壞人，謝謝！」

留言區有不少人留言「張X德」、「孖生兄弟」、「張XX」，令人不禁聯想近年經常拍片評論《中年好聲音》歌手表現嘅張祟德，惟未得谷婭溦證實嫌疑人身份。而張崇德由《中年好聲音3》播出起，已經喺個人頻道評價節目，當中就剛好有一條片提及谷婭溦：「年紀細過晒參賽者，佢未夠年齡參加比賽」，又認為谷「係個比較新嘅歌手，參賽者被揀的話唔係咁好」。

東網網站 : https://on.cc/東網Facebook專頁 : https://www.facebook.com/onccnews/