黃美棋重返《行運一條龍》冰廳剪綵　勾集體回憶

童身出身的藝人黃美棋，曾參演過多部影視作品，但要講到最深入民心的角色，必定就是在周星馳主演的電影《行運一條龍》中飾演小芬女一角。而《行運一條龍》的取景地太子鴻運冰廳餅店在去年尾結業，不過只相隔四個月便極速「翻生」，在今年4月中於原址重開，更邀請「小芬女」黃美棋到場剪綵！

近日黃美棋在社交平台分享出當天的片段，並寫道：「返黎啦！『行運茶餐廳』正式回歸，其實佢真名叫鴻運冰廳⋯仲記得幾個月前收到『茶餐廳』唔做嘅消息，相信大家同我一樣覺得好可惜，不過最後有白武士救咗佢，仲活化翻新咗，夜晚有中式甜品食添呀，多謝冰廳邀請我成為剪綵嘉賓，見證呢一個歷史性嘅時刻…嚟緊假期，都好適合大家本地遊～如果你都想嚟食吓嘢打吓卡懷舊一下，嚟之前跟我睇吓有咩唔同。」

東網網站 : https://on.cc/東網Facebook專頁 : https://www.facebook.com/onccnews/