東張西望｜林希靈助聾啞女連環鬧爆霸屋保安 32歲俠女名校畢業為運動健將

《東張西望 》最近連續三晚報導聾啞女美華被大廈女保安阿娟霸佔公屋的事件，惹來港人廣泛關注。很多網民表示氣憤，紛紛留言希望節目幫幫手。昨晚（16日），林希靈為美華出面惡鬥阿娟，被網民封為「女神」，感謝她不怕惡霸，為公義發聲。

女保安否認用美人計：有付出先有收穫

前兩日，節目組攝製隊與主持林希靈與美華了解情況，得知其父生前21日將單位轉名予阿娟，其後有人擅自換鎖，令美華有家歸不得。林希靈曾兩度與阿娟進行電話訪問，對方指自己真金白銀買屋，但無合約證明。

上回提到：東張西望｜聾啞女喪父後遭保安霸佔公屋換鎖 有家歸不得門外露宿 律師指有轉機

很多街坊得知此事，懷疑阿娟用美人計哄美華爸爸，令他約單位拱手相讓，惟阿娟反駁：「90歲嘅男人可唔可以上床？我今年61喇，我當佢爸爸咁照顧…玩都玩18歲啦！」她解釋美華爸爸生前經常進出醫院，美華沒有理會過爸爸，所以她決定親自照顧美華爸爸，陪他看病，為他煲湯，連衣服都幫他帶回家清洗：「做親咩都叫我，當時我覺得幫吓你無咩所謂。」

她指後來美華爸爸讚她把他照顧得很好，主動請求與她同居，之後立遺囑時表示想將單位送給她。那時候她一口拒絕，但聽到美華爸爸說了一句，才改變心意：「佢話：『我死落去香燭都無得食』就係呢句話我先要！我諗住人都死，等佢舒舒服服，咁我咪要呢層樓囉，佢話政府可以幫美華。」阿娟答應幫美華爸爸出殮葬費，又幫他還港幣6萬元給人，對方為了道謝，就將單位當遺產一樣送給她，不久後就過身。

面對街坊非議，她理直氣壯否認欺騙美華一家，對自己霸屋一事從不後悔：「一個人有付出，先有收穫…我問心無愧，應該係太好人累事。」林希靈反問：「你覺唔覺付出同收穫唔成正比？因為付出10幾、廿萬，層樓成幾百萬。」阿娟指數目無得計，又指美華爸爸死後，她買了先人牌位給他：「佢畀呢間屋我，我一樣買番間屋（牌位）畀佢。」

女保安自稱對聾啞女太仁慈

阿娟認為如果美華爸爸疼錫美華，遺囑就不會不提及美華。雖然對方交代她不用理會美華，但她自稱太仁慈，曾讓美華在這裡住，直到申請到公屋，甚至每月給美華港幣3,500做伙食費：「我係聽死人話㗎！」她投訴美華以前將雜物堆積如山，用了一個月才搬走，又指美華不做家務，將廁所用到很骯髒，所以她停止給錢。

其後她叫美華交管理費、煤氣費、水費都不得要領，於是決定換鎖關門：「有一蚊貢獻，我都會畀佢喺度住！」

現在她已想好自己與兒子的房間分配，準備裝修，為兒子成家立室打算。

女保安逼聾啞女清走家當 林希靈出頭鬧爆

經過多番斡旋，阿娟終於與美華見面，惟她堅持不會妥協：「我依家講明，我唔會畀佢入去嘅，到時有咩嘢嘅話，佢裡面嘅嘢一定要清走，今日就要解決！叫佢全部將屋企嘅嘢攞走，佢自己唔攞，我就報警，叫警察同佢攞。」

一心想回家的美華大失所望，可能因為長期於門外露宿，坐著睡覺，令隻腳又紅又腫。

其後美華入房只拿走有用的物品，阿娟隨即報警，以及致電社工，惟都沒有做任何行動。

阿娟決定自己出聲驅趕，鬧爆聾啞的美華：「你唔好當聽唔到！你無辦法關我咩事？我仲畀鎖匙你？你發夢啦！」美華也很激動，說不出聲都想說。

林希靈終於忍不住，據理力爭，為美華出頭：「佢搬完放喺邊？吓咁佢瞓邊？」阿娟說：「啲嘢搬晒出街囉！我話之佢！」林希靈鬧爆：「吓，咁好冇人性喎你覺唔覺啊？」阿娟說：「我畀佢住咁耐仲無人性？」林希靈說：「佢本身一直都喺度住！」阿娟說：「你依家反轉嚟講嘢啊！？」林希靈說：「我唔係反轉，佢依家搬晒出嚟都要處理㗎！」阿娟說：「佢鍾意搬去邊咪搬去邊！」

林希靈反問:「你又話你好好人好錫佢嘅，咁依家即係點呀？」阿娟大聲駁斥，開始向林希靈步步進逼：「畀佢住咗四年仲唔錫佢？你屋企買咗樓畀佢住啦！」但林希靈沒有絲毫退縮：「間屋我住咗咁耐，係唔需要走。我唔係惹嬲你，我係講道理！你畀咗幾多錢吖？」阿娟頓時語塞：「我…我畀咗幾多錢買樓做咩要講？呢個係私隱！」林希靈最後一句KO她：「你嗰個唔算係買，在土地註冊處寫明遺產，你無畀個任何錢！」

聾啞女有權取回爸爸部分遺產

其實美華有「紅簿仔」證實自己於02年有出過港幣10萬元，與父母夾錢購買洗幣30萬的公屋單位。大律師陸偉雄指情況有轉機，美華能向法庭申請取回三分一業權，即代表阿娟無權將美華趕出家門，令她流浪街頭，露宿門前。而且美華一直受到爸爸供養，所以現在可以向阿娟取回爸爸部分遺產，繼續接受資助。事後網民紛紛大讚林希靈行俠仗義，封她為俠女：「型到爆炸，頂個女人唔順，連環爆佢，暢快！」、「女主持我支持你」。

最新近況1：東張西望｜美華被阿娟霸屋趕出家門 最新事態大反轉 女保安阿娟態度180度改變

最新近況2：東張西望｜霸屋保安自稱有病 1理由向聾啞女認錯 做好準備邀請入屋不獲憐憫

最新近況3：東張西望｜聾啞女不忿被保安霸屋強行重新裝修 獲派公屋單位 掛住屋企誓用絕招反擊

《東張西望》林希靈常做仗義事 名校畢業是運動健將

其實林希靈一直都見義勇為，她曾經單人匹馬質問露械伯伯:「有無見到女人又忍唔住搲吓？」，上月更大膽到訪曱甴屋，強忍惡臭幫他清潔全屋。

32歲的林希靈有個哥哥，是東區裁判法院第二庭裁判官林希維。而她曾就讀傳統名校庇理羅士女子中學，及後獨自到加拿大一寄宿學校讀書，畢業於名校多倫多大學。她已為TVB效力第九年，初初入行時，她是《無綫娛樂新聞報道》記者，平時是兒童節目《Think Big》主持，主持經驗豐富。

除了主持之外，她亦是一名老闆，跟對家ViuTV藝人兼男朋友陳安立Brian投資逾十萬建立網上節慶美食品牌「口張開」。另外原來她還是名運動健將，她喜歡做GYM、打籃球、行山，還試過參加馬拉松比賽。