張馳豪推出新歌　邀Tania＠Lolly Talk擔任MV女主角

歌手張馳豪（Aska）近日推出新歌《一個人的生日歌》，適逢臨近他生日（3月5日）來「贈自己慶」，為了送上生日驚喜給Aska，團隊邀請到Tania＠Lolly Talk（陳紀澄）擔任女主角，而Aska直至拍攝當日才得知：「真係好surprise！我唔係今日先知，係頭先Tania行過嚟嗰下先知呀！」這個生日驚喜殺Aska一個措手不及，當被問及在MV中要如何互動，Aska：「我哋冇咩互動㗎喎……」身旁的Tania即回應：「有㗎！我係演一個成日落嚟嘅客人，知唔知點解呀？係為咗嚟見你呀！」Aska一聽頓時變怕醜仔，非常有趣。

Tania驚喜現身，二人聊天破冰時發現，原來兩位都是「I人」，Tania說：「我都係第一次參與拍攝人哋嘅MV，所以心情都有啲緊張，嚟到見到成個環境好有feel，同埋見到Aska真人都有啲緊張，咁就可以帶住呢份緊張演埋佢，咁就可以playful啲。」然後又提到二人都對廚藝有研究，Aska喜歡手沖咖啡，而Tania求學時曾到酒店甜品部實習，懂得造蛋糕及咖啡拉花。

二人都有上戲劇堂，今次MV拍攝正好學以致用，提到即興互動部分Tania搶閘講：「頭先最後一個scene，劇情講我係滿心歡喜去搵佢，點知佢生日提早收鋪拒絕我，然後佢同我講『我唔想再見到你呀』（咁咪好hurt？）係呀！我爭啲眼有淚光！但係咁就好好地令我好自然做到嗰種感覺。（難怪你哋頭先好似門口講分手咁啦）。」

談及新歌《一個人的生日歌》，Tania聽完覺得歌曲比較傷感，講述Aska獨個慶祝生日，她反問Aska以往是否也是一個人話生日，Aska分享說：「近年都係㗎，因為人大咗唔似細個咁好期待呢日降臨，想平平淡淡地過，生日願望都變成大家身體健康平安就好。有時覺得一個人過生日，或者工作中度過都幾開心吖，反而一大班人慶祝好似仲有壓力。」Tania也有份享加入Lolly Talk後近三年的生日都是在工作中度過，有工作人員一同慶祝氣氛也很好。

東網網站 : https://on.cc/東網Facebook專頁 : https://www.facebook.com/onccnews/