方力申已為囡囡改中文名　盼太太今年再懷孕：三年抱兩！

藝人方力申今晚（4日）現身出席品牌活動，是他成為人父後首度出席活動，小方受訪時指因與父母同住，加上住所位置較遠，所以太太生產後在市區的月子中心休養一段時間，又表示很多好友聽到他們住在月子中心後，決定先不打擾他們，笑言發覺自己做了一個好決定，令太太有更多時間專心休息。

問到小方是否已經熟習幫女兒換片餵奶？他就表示月子中心有月嫂照顧，而回到家後則有陪月，暫時自己未有機會親身上陣，但之後會練習。他又分享今日在陪月手上接過女兒後，笑言自己只抱了一秒，陪月即刻要抱回女兒，更不禁感慨小朋友大得很快，直言看回女兒剛出生時的照片，後悔當初不花更多時間抱她，開始想念當初的小嬰兒狀態，感覺相當神奇。

問到女兒樣貌似他還是太太，他就表示：「其實我認真似邊個都冇乜所謂，最緊要係健康，似晒老婆都冇問題，其實我覺得我同佢（太太）都幾似樣，如果認真講我覺得合埋眼似我，擘大眼就像佢，可能眼、嘴、耳仔就似太太多啲」，他又指已為女兒改好中文名，但因未問準太太能否講出，所以暫時未有透露。小方表示今次生產中自己作出最好的決定是住月子中心，而太太認為的最好決定就是在順產時打無痛分娩，令她可以接受再生，小方更直言希望太太今年內可以再次懷孕，三年抱兩。

談到小方陪太太入產房見證女兒出生，他表示雖然太太生產大致順利，但中間亦有辛苦的過程，所以見到女兒成功出生的一刻，自己與太太都不禁感動落淚。他直言成為父母後，才得知自己父母對自己的愛有多深，尤其自己一年內先後成為人夫和人父，覺得自己成長了不少：「如果當人生係個遊戲，就好似跳咗去另外一個Level咁，拍拖同結婚係兩回事，好多時都真係要解決，冇得行去第二度，到有咗小朋友之後，亦係更加大嘅責任，究竟點樣去以身作則做一個好嘅爸爸，點樣教育佢，所以慢慢學囉」，小方更透露之後計劃為女兒舉行小型百日宴，與家人一同慶祝。

東網網站 : https://on.cc/東網Facebook專頁 : https://www.facebook.com/onccnews/