鮮娛糧︱鍾鎮濤愛女沉醉與新歡拍拖　懶理父母恩怨情仇

前藝人章小蕙近日指控前夫鍾鎮濤（阿B）曾剝奪子女探視權，唔畀佢同小朋友見面兼失聯，事後鍾鎮濤受訪時不願多談，反擊暗寸：「30年前喎，點解要依家嚟講，咁多年都唔講。」當雙方各執一詞之時，愛女鍾嘉晴就未受父母影響，日前更公開新戀情，大人事大人處理。

現年30歲嘅鍾嘉晴日前拍片分享生活，記錄佢玩雪、行街、做運動等片段，片尾更驚喜見到一位高大型男，同鍾嘉晴手拖手，男方更張開雙臂攬實鍾嘉晴，甜到漏油，可見鍾嘉晴有愛情滋潤，未有被父母隔空對罵影響！

鍾鎮濤與前妻章小蕙育有兒子鍾嘉浚及女兒鍾嘉晴，兩人離婚後鍾嘉浚曾隨章小蕙到美國升學，鍾嘉晴與鍾鎮濤及繼母范姜素貞一同生活，多年來與生母章小蕙關係疏離，反而與繼母范姜感情深厚，兩人更曾以母女檔拍攝內地真人騷《媽媽你真好看》。

東網網站 : https://on.cc/東網Facebook專頁 : https://www.facebook.com/onccnews/