沙比阿朗素：我哋無辦法追到拜仁

利華古遜作客1:1打和聖保利德甲比賽，利華古遜教練沙比阿朗素係賽後被記者問到球隊德甲冠軍形勢，阿朗素坦言「雖然呢場和波係數學上嚟講仲未宣布我哋徹底出局，但我哋知道球隊面臨嘅情況都幾困難。我哋今季真係太多和波啦，我哋係積分榜無辦法追到拜仁，因為兩隊係分數上差距都幾大🫠。」

由於拜仁同利華古遜係分數上差距拉開去到8分同埋得返最後4輪德甲比賽，只要拜仁係餘下比賽再拎多5分，佢哋就會成為今季德甲冠軍。如果拜仁下場主場擊敗緬恩斯，而利華古遜係同一時間對住奧格斯堡比賽輸波，咁拜仁就會即刻奪得今季聯賽冠軍🙂

根據德國圖片報消息，拜仁內部對於教練甘賓尼評價幾好，因為呢位比利時🇧🇪教練可以控制到球隊，並且確保球隊充滿活力同埋願意為教練而努力戰鬥。雖然拜仁係歐聯同德國盃出局，如果可以贏到德甲冠軍，拜仁高層都覺得今個球季算係成功😶