車Cam直擊：火炭Tesla落斜越線　撼欄後再撞的士釀3傷

火炭發生驚險交通意外。今早(22日)8時許，一輛載客的士沿穗禾路上斜駛至豐利工業中心對開，一輛Tesla電動車沿路落斜高速駛至，並失控衝過上斜方向行車線，最後與的士相撞。姓劉(43歲)電動車女司機報稱胸口痛，姓楊(60歲)的哥手臂痛，姓黃(56歲)的士男乘客則頸痛，3人俱送院治療。

肇事的士「車Cam」拍下意外經過，片中顯示Tesla於一個左彎失事，在沒有減速下越過對面行車線，撼撞路邊防撞鐵欄後，再反彈迎頭撼向的士。的士內傳出「嘩」一聲，司機繼而向右扭軚，可惜已經閃避不及致兩車相撞。

影片引來網民熱議，有人直指「死神來了」，另有人驚嘆「好彩有條欄卸一卸，再反彈落的士度」、「完全冇扭過軚，個司機暈咗定瞓着咗」、「真係行衰運，避無可避撞啱馬路炸彈」。

東網網站 : https://on.cc/東網Facebook專頁 : https://www.facebook.com/onccnews/