陳豪54歲牛一開工收驚喜　張曦雯做蛋糕女郎好艷福

藝人陳豪於本月16日迎來54歲生日，忙於拍攝無綫劇集《俠醫》的他生日當天在工作中度過，獲劇組連續兩天安排蛋糕為他慶生。無綫播出慶生花絮，由張曦雯（Kelly）擔任蛋糕女郎，負責將蛋糕推出來，其他藝人即大唱生日歌，令陳豪大感驚喜，而蛋糕以咖啡杯為造型，相當有心思。

陳豪坦言意想不到，因為正日已收到劇組送的蛋糕，想不到第二天又有，直呼：「好開心，真係估唔到。（有咩生日願望？）大家都好，環境好啲，世界和平，人同人之間關係好啲，經濟好啲，國家之間關係好啲。（生日正日點慶祝？）朝早開外景，夜晚唔使開廠，可以出去同家人切蛋糕慶生。（收到咩禮物？）大家可以一齊食飯餐飯已經好開心，小朋友畫咗張卡畀我，卡上面畫咗封利是。（太太送咩？）佢就最忙，除咗照顧小朋友，又安排我媽咪同2個哥哥同我食生日飯，佢係最忙嗰個。」

東網網站 : https://on.cc/東網Facebook專頁 : https://www.facebook.com/onccnews/