拜仁主場3:2險勝法蘭克福

球壇最update

✅拜仁主場3:2險勝法蘭克福，拜仁進攻中場梅斯亞拿正選上陣，並且迎接個人第100場德甲勝仗，而梅斯亞拿以22歲360日之齡成為史上贏得德甲100場勝仗嘅最年輕球員。事實上，梅斯斯拿只係用咗145場德甲比賽就搵到100場勝仗，呢位德國🇩🇪球員係145次聯賽上陣有45個入波同31次助攻🙂

💬梅斯亞拿接受賽後訪問表示「我哋一定要吸取教訓，為咗達到球隊目標，我哋唔可以再出現同樣情況，好彩最後都係贏波攞到3分。依家同德國國家打吡仲有一個星期，我哋一定要睇返今場比賽有咩地方做得唔夠好，並且需要從中吸取教訓。我哋無論踢咩比賽，任何時候都要保持百分之一百嘅能量同專注，咁樣我哋先至有能力爭取到我哋想要嘅嘢😎。」

📢至於教練甘賓尼接受賽後記者會就話「我哋今場錯失咗太多機會，其實失第一個波之前，我哋完全控制場比賽。可惜之後送咗個十二碼俾對手，跟住仲「送大禮」俾對手。法蘭克福之後就不斷進攻，去到最後一刻都想迫和我哋。呢啲就係足球，不過最重要嘅係我哋全取3分。下場比賽(德國國家打吡)一定係最難踢嘅比賽，呢個對我哋嚟講係完美嘅挑戰，多蒙特有信心喺我哋身上拎到分數，我哋都係咁諗，到時肯定會係一場強強對碰🙂。」

▼Follow足球仁
Instagram: https://www.instagram.com/football_yern/