姜麗文新歌無故被下架　追究無門：我想鬧人唔知鬧邊個好

藝人姜麗文（Lesley）去年約滿無綫移居美國，並在荷里活繼續追尋演藝夢。她上月在社交網以千字文剖白曾於2014年患上抑鬱，近日病情復發，已向老公求助及就診，積極自救。

Lesley日前再拍片分享不快事，透露於2022年6月發行、由她一手包辦曲詞、主唱及MV製作的歌曲《爸爸放心我出嫁》，上周在她不知情的情況下在各大音樂平台突然下架：「Without my permission,without my knowledge.（未經我許可，未經我同意。）」她指自己是獨立音樂人，早年透過一間音樂發行公司將歌曲上架，近日該公司有人事變動，旗下歌手的歌曲已全數轉移，唯獨遺忘了她的作品，她無奈表示：「影音平台仲有係因為我自己Upload，但問題係要點樣保留番之前嘅點擊，如果從零開始幾可惜，呢個就係獨立音樂嘅Struggle（掙扎）……落咗架一句對唔住都冇，我想鬧人唔知鬧邊個好！就咁話搵唔番啲資料，叫我自己搞番。」

東網網站 : https://on.cc/東網Facebook專頁 : https://www.facebook.com/onccnews/