單文柔晒全家福騷美腿　深感平安是福

視帝陳展鵬與太太單文柔向來恩愛，兩人育有一女，昨日（24日）是平安夜，兩口子在社交網上載一家三口的靚相慶祝聖誕，儀式感十足。相中3人在遊艇上，周圍鋪滿聖誕裝飾，他們均悉心打扮，展鵬身穿恤衫西褲，單文柔則穿上白色的Tube Dress，配合高衩及低胸剪裁，大晒長腿及完美肩頸線，囡囡遺傳了媽咪的靚樣亦同樣以白色長裙上陣，大家襯到絕，單文柔發表平安夜感言，她感性表示：「唔經唔覺，又到2025年嘅平安夜，呢一年對好多人都好唔容易，經歷過嘅起起落落，令人更懂得，原來平安已經係最大嘅福氣。風浪裏面，只要仲有家人可以緊緊牽住手，仲可以真摯咁望住對方笑一下，就已經足夠溫、足夠有力。簡單嘅相聚，原來就係幸福，唔奢求隆重嘅慶祝，只想靜靜講一句：平安夜快樂，願新一年，你同你愛嘅人都身體健康、中裏有光。平平安安、開開心心咁過好每一日。」網民紛紛送上佳節祝福，又讚單文柔很美。

東網網站 : https://on.cc/東網Facebook專頁 : https://www.facebook.com/onccnews/