龔嘉欣拒絕參加《女神配對計劃2》　唔諗拍拖反而仲開心

龔嘉欣被催拍拖。

佢自己唔擔心呢個問題。

因為一切隨緣。

「視后」龔嘉欣今日（12日）在將軍澳電視城出席新節目《在家宴客60道菜》記者會，嘉欣對於節目再添食感到相當開心，跟多位名廚學習，對自己廚藝更有信心，但笑謂因與多位名廚再合作，熟稔下烹飪節目好像變成催婚節目，不時被眾人催促拍拖，希望她能早日出嫁。

嘉欣講到被指還未出嫁因為不夠姣，她笑說：「都要學下溫柔，但佢哋尺度搞唔掂，要我眼甘甘咁望住人，我驚畀人一巴打埋嚟。」問到節目中被強行推銷，可擔心好像變成賣剩蔗？她則說：「唔會，你揀人，人揀你啫。」

嘉欣被問到是否更應該參與《女神配對計劃2》更適合她，嘉欣直言已經婉拒：「有問過我，但係唔考慮，未諗過參加，依家心態係隨緣，唔諗反而仲開心，唔係放棄，只係隨緣。」嘉欣透露4月將開拍新劇，隨後亦有兩個晚宴登台唱歌演出，她說：「由去年豐收到依家，今年唔使擔心。」

娛樂