張繼聰反擊稱呂爵安「幼雀」籲Stanley公開Edan核彈級黑圖

阿聰在導演及演員名字後面，加了對他們的印象。（Ig截圖）

張繼聰有份演出的ViuTV劇集《季前賽》，該劇昨天（9日）已經煞科，阿聰在社交網貼了和同劇演員合照，包括導演袁劍偉﹑MIRROR成員姜濤、呂爵安（Edan）和邱士縉（Stanley）、ERROR的肥仔（梁業）和193（郭嘉駿）等。阿聰坦言很久沒拍電視劇，今次合作非常愉快，他感謝台前幕後工作人員的照顧和信任，同時亦認識了一班新對手，大讚他們有才華﹑勤力和態度好好：「而且，仲係癲嘅，好嘢，喺你哋身上，我得到好多啟發，另外，一班鏡粉同埋錯粉，你哋真係好勁，Respect，呢段旅程好愉快，希望大家到時喜歡我哋嘅作品。」

阿聰又特別貼了Edan睡覺的照片，又笑稱Edan做「幼雀」：「你睇阿叔幾錫住你吖？影到你瞓著都咁靚仔，算係咁啦，以德報怨吖，咪叫成熟囉，不過你班兄弟就唔知會唔會啦，Stanley，我係你就唔忍佢啦，你嗰啲核彈級….另外，姜，你做掌上壓嘅片，我係唔會公開嘅，放心。」