神級叉燒！抵食燒味飯老店｜新合成燒臘飯店｜佐敦

講起燒味，一路以黎我都有個秘製食法，上枱第一件事唔係食，而係拎走哂碗上嘅燒味，然後落少少乳豬醬、酸梅醬、薑蔥蓉，撈起個飯先食，然後比朋友笑我睇住個腎。

不過呢間40幾年老店，燒味都係40幾年古法配方，叉燒飯上枱前淋麥芽糖蜜汁，唔好講咩秘製食法，剩係啲叉燒已經偷哂我成碗飯，幾十蚊仲有超大碗老火靚湯，人情味十足，唔夠飯記得多飯添飯。

-
🍖單/雙拼燒味飯(外賣$35 / 堂食$50)
🥢叉燒/燒腩仔/燒鴨/油雞/切雞/紅腸
1️⃣先講叉燒單拼，都係自家40幾年秘方，叉燒肉質鬆軟，燶邊微微焦脆，上枱前又淋上麥芽糖蜜汁，微微濕潤唔會乾身，香甜得黎又唔會過甜。

2️⃣燒腩仔都係招牌，聽講塊皮擺幾個鐘都仲脆，唔脆仲可以免費換，腩肉肥瘦層層鬆化，帶秘製香料鹽香，而油雞揀嘅雞皮薄肉厚，鹹香中帶甜身，秘製薑蔥蓉仲超香口。

🥢送大大碗老火湯 / 飲品
幾十蚊碗飯仲跟咁大碗湯，同碗燒味飯一樣咁大隻碗，連埋足料湯渣，小店本身都充滿人情味，街坊黎到有傾有講，加埋碗老火湯真係有feel。

-
新合成燒臘飯店
🗺️佐敦廣東道589號B1-B2號舖
📞2771 9458

生活