LOONG 9｜龍九陳法蓉原為《超星團》評審　睇惡搞片段笑到肚攣

陳法蓉與歷屆不少港姐昨晚（16日）出席「慧妍雅集」成立42周年慈善晚會，被問到最近無綫《亞洲超星團》選出9名練習生組男團「LOONG 9」，其發音被不少網民取笑並聯想起陳法蓉多年前在電影《賭俠》中的角色名「龍九」，她笑指網民好有創意，好多片段「笑到肚攣」。

「龍九」陳法蓉被問到對「LOONG 9」有何看法，她笑說︰「其實『Loong」這個字好潮，依家冇人再講『Dragon Year』，係講『Loong Year』﹗好多人send片畀我睇，又知道團名係「龍年9個」嘅意思，我覺得都幾特別，加上網民好有創意，整咗好多片出嚟笑到我肚攣。我真係唔介意，睇完仲分享畀朋友一齊睇。」

陳法蓉透露，本來無綫曾找她擔任其中一集《亞洲超星團》的評審，但因好友洪欣兒子張鎬濂是其中一位參賽者，為免被指不公平而婉拒邀請，最終張鎬濂亦未能勝出入團。被問到「龍九」會否復出拍戲，她笑說不知道，但最近有與無綫傾談再拍電視劇，初步知道監製是鍾澍佳，但不肯定是《新聞女王2》。「剛開始傾，佢冇同我講係邊套戲，其實只要故仔好，我係樂意接演嘅。」她又指出，目前已簽約新經理人公司，未來將向帶貨、綜藝及廣告方面發展。