黃宗澤餐廳被數三宗罪　要求親自道歉網民指無稽

現年44歲的黃宗澤（Bosco）近年在內地人氣持續上升，除了忙於拍劇、出席商演活動外，亦積極經營副業，開設自家餐廳OysterMine，曾吸引大批粉絲支持。然而，近日有網民於小紅書發文，直指餐廳出品欠水準，更標註黃宗澤帳號要求其「即刻出來道歉」，帖文一出即引發熱議。

該名網民以「黃宗澤oystermine試坑」為題，詳細列出對餐廳不滿的三大原因，包括食物品質參差、用料不新鮮、炸物過火無味，並批評自家製蠔油意粉過硬難食，甚至指送出的「簽名照」只是普通照片，與期望落差極大。帖文中更直言：「講真，如果開喺廣州，估計撐唔到三個月。」語氣直白。

帖文中寫道：「Bosco，@黃宗澤Bosco 麻煩你即刻出來道歉。算數，因為是我太太的偶像，所以我忍住唔鬧你。不過真係有D失望。」據其公開的單據顯示，當天兩人共消費六款菜式，包括生蠔、沙律、意粉及Mocha等，合共港幣878元。

帖文曝光後隨即在網上引起討論，不少網民表示認同：「蟹餅炸到黑晒真係唔得」、「呢個意粉賣相真係差」、「買單為咗偶像，唔會再幫襯」。不過亦有網民認為批評者言重：「唔啱食可以畀差評，但要求人哋道歉就誇張」、「正常餐廳水準不一，好多人係為見偶像先去」、「Bosco唔會親自煮，無必要捧高踩低」。

黃宗澤餐廳OysterMine早於2023年4月翻新重開時曾掀起話題，開業當日他更親自現身店內招呼賓客，展現十足老闆風範。惟餐廳自重開後間中已遭遇負評，曾有食客發長文數落食物質素差勁、服務未如理想。是次事件再度掀起公眾關注，有人批評其出品「名過其實」，亦有人力撐「Bosco做人有義氣，唔應因小事被針對」。